ЛАПІДАРЫЙ? ЯКІ? ЗБУДУЕМ? МЫ ?

Ірына Лаўроўская

У Берасьці у хуткім часе з'явіцца лапідарый. Які, калі і чыім коштам? Пакуль гэтыя пытання на кантролі ў гарвыканкаме. 

 

Мінуў год з моманту, калі  у цэнтры Берасьця бульдозер выцягнуў з зямлі першае цела з 1214 ахвяраў Халакосту.

Тады многа пісалі і казалі пра  татальнае знішчэнне габрэйскага насельніцтва перадваеннага Берасьця.  

Пасля іх нам засталіся архівы са здымкамі і адбіткамі пальцаў, рэдкія рэчы, шматколькасныя дамы на нашых вуліцах, шпіталі, сінагогі, крамы, клубы і ...мацэвы з разграбленых і знішчаных могілак.   

Што мы зробім з мацэвамі і калі?

Шмат гадоў таму праблемаю лапідарыя займаўся журналіст, франтавік Аркадзі Маісеевіч Бляхер. Пазней эстафету прыняла ягоная дачка - Рэгіна Сіманенка, якой прыйшлося ратаваць мацэвы, збіраць іх кавалкі, захоўваць і перазахоўваць больш за 1000 камянеў, на якіх можна ўбачыць усю гісторыю берасцейскай габрэйскай грамады. Некалькі год таму мы пісалі пра праблему калоніі Варбурга, пра гісторыю могілак і іх разбурэння. http://euimedia.com/menu/teoryia

Сёння чытачы могуць бліжэй пазнаёміцца з праектам, які чакае свайго ўзгаднення ўжо амаль 5 год, а можа паляжаць "пад сукном" яшчэ не адзін год. Лапідары? Які? Збудуем? Мы?